نكت مغربية مضحكة 1

هادو جوج دراري كانوا مدابزين ف القسم.
جا الأستاد لقاهم ف ديك الحالة وسولهم: مالكم على هاد الصداع؟
قالوا ليه: لقينا 100 درهم، واتفقنا اللي قال أكبر كدبة ياخدها.
قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.
وهوما نيت يعطيوه دوك الدراري 100 درهم



هادا واحد الطبيب غادي لاجتماع ديال الأطباء، وكتب دغية ف الليل داكشي اللي غادي يقول ف ورقة.
الغد ليه، ملي طلع للمنصة يهدر، ما قدرش يقرا داكشي اللي كتبو ف الليل. عيا ما يشوف، ما فهم والو ف الكتبة ديالو.
وهو يسول الحاضرين: الله يخليكم كاين معانا شي صيدلي ف القاعة؟







هادا واحد الولد ما مشاش للمدرسة. كان جدو كيطل من الشرجم، وبان ليه المعلم جاي لعندهوم للدار، وهو يمشي يجري عند الدري قال
ليه: تخبى تخبى، المعلم جا يسول عليك.
وهو يقول ليه الدري: وا تخبى نتا أجدي، راه قلت ليه جدي مات وجا يعزينا فيك.






واحد المرا بدلات النمرة د التيليفون، وبغات تفاجئ راجلها.
مشات للكوزينة، وعيطات ليه، قالت ليه: ألو يا عمري.
قال ليها: عيطي من بعد، راه البڭرة ف الكوزينة.





واحد ماتت مرتو حيت عضها كلب.
نهار العزا عمرات الدنيا بالرجال.
سولو واحد صاحبو: أواه، ڭاع هاد الناس جاو يعزيوك ف المدام؟
قال ليه الراجل: لا، جاو يشريو الكلب







واحد قال لصاحبو: أنا كنشف للبنات الحلق.
قال ليه لاخر: كيفاش؟
قال ليه: اللي هدرت معاها تدفل عليا.





واحد الراجل كان غادي ولقى مراية طايحة.
هزها، شاف وجهو فيها وهو يلوحها.
قال مع راسو كون كانت زوينة ڭاع ما يلوحوها ماليها




هادا واحد الأستاد ديال الانجليزية سول واحد التلميد، قال ليه: إيلا بغيتي تقول لشي واحد أجي لهنا بالانجليزية، أشنو تقول ليه؟
جاوب التلميد: كام هير.
قال ليه الأستاد: مزيان. وإيلا بغيتي تقول ليه يرجع فين كان؟
جاوب التلميد: نجري للجهة الأخرى، ونقول ليه: كام هير.